Pisortanit pensionisiat pillugit Inatsisartut peqqussutaata allannguutaatut Inatsisartut peqqussutissaattut nr. 12, 12. november 2001-imeersussatut siunnersuut (Piginnaanngorsaaqqinneq, aningaasalersuineq ikaarsaariarnermilu aalajangersagaq)
§ 1.
Pisortanit pensionisiat pillugit Inatsisartut peqqussutaat nr. 10, 30. oktober 1998-imeersoq, Inatsisartullu peqqussutaatigut nr. 8, 29. oktober 1999-imeersukkut allannguuteqartinneqartoq imaattunik allannguuteqartinneqarpoq:
1. §15, imm. 2 ima oqaasertalerneqarpoq:
"Imm. 2. Siusinaartumik pensionisiaqarlersitsinnginnermi kommunalbestyrelsi piginnaan-ngorsaaqqinniaqqaarsimassaaq, tamatumunnga inatsisartut peqqussutaat naapertorlugu."2. § 15, imm. 3 atorunnaarsinneqarpoq.
3. § 16, imm. 2 atorunnaarsinneqarpoq.
4. § 33 ima oqaasertalerneqarpoq:
"§ 33. Inatsisartut peqqussutaat manna naapertorlugu pensionisiaqarnermut il.il. aningaasartuutit Nunatta Karsianit kommuninillu aningaasartuutigineqassapput.
Imm. 2. Utoqqalineq pissutigalugu pensionisianut kiisalu utoqqalineq pissutigalugu pensioni-sialinnut meeqqanut tapiutinut aningaasartuutit 90 %-ii Nunatta Karsianit 10 %-iilu kommuninit aningaasartuutigineqassapput. Pensionisialinnut kommunit aggornerisa avataanni najugaqartunut taaneqartunut taakkununnga aningaasartuutit Nunatta Karsianit aningaasartuutigineqassapput. Pensionisialinnut Naalagaaffeqatigiinnerup avataani najugaqartunut utoqqalineq pissutigalugu pensionisianut aningaasartuutit Nunatta Karsianit aningaasartuutigineqassapput.
Imm. 3. Siusinaartumik pensionisianut kiisalu siusinaartumik pensionisialinnut meeqqanut tapiutinut aningaasartuutit 50 %-ii Nunatta Karsianit 50 %-iilu kommuninit aningaasartuutigineqassapput. Pensionisialinnut kommunit aggornerisa avataanni najugaqartunut taaneqartunut taakkununnga aningaasartuutit Nunatta Karsianit aningaasartuutigineqassapput. Pensionisialinnut Naalagaaffeqatigiinnerup avataani najugaqartunut siusinaartumik pensionisianut aningaasartuutit Nunatta Karsianit aningaasartuutigineqassapput.
Imm. 4. Inummut tapiutinut aningaasartuutit kommunimit aningaasartuutigineqassapput. Pensionisialinnut kommunit aggornerisa avataanni najugaqartunut taaneqartunut taakkununnga aningaasartuutit Nunatta Karsianit aningaasartuutigineqassapput.
Imm. 5. Inatsisartut peqqussutaata atuutsinneqarneranut atatillugu allaffissornikkut aningaasartuutit oqartussaasumit sullissisuusumit akilerneqartassapput.
Imm. 6. Naatsorsuutinik saqqummiussinissamut kukkunersiuinissamullu malittarisassat Naalak-kersuisunit aalajangersarneqassapput.5. § 33-ip kingorna kapitali 10-imi ikkunneqassaaq:
"§ 33a. 1. januar 2002 sioqqullugu atuutilersumik siusinaartumik pensionisiaqalersimasunut siusinaartumik pensionisianut kiisalu siusinaartumik pensionisialinnut meeqqanut tapiutinut aningaasartuutit 90 %-ii Nunatta Karsianit 10%-iilu kommunimit aningaasartuutigineqassapput."6. § 36-ip kingorna ikkunneqassaaq:
"§ 36a. Pensionisiaqalernissamik qinnuteqaatit 1. marts 1999-imit siusinnerusumik ulloqartut isumaginninnikkut pensionit utoqqarnillu paaqqinniffiit i.il. pillugit Inatsisartut peqqussutaat nr. 8, 22. oktober 1990-imeersumi kingusinnerusukkullu allannguuteqartartumi aalajangersakkat tunngavigalugit aalajangiiffigineqassapput."
§ 2.
Inatsisartut peqqussutaat manna 1. januar 2002 aallarnerfigalugu atortuulerpoq.
Namminersornerullutik Oqartussat, ulloq 12. november 2001.
Jonathan Motzfeldt/
Ole Dorph